Pensionet, Mediu kunder Berishes

Fatjona Mejdini
Shuma e vendosur nga qeveria ne dispozicion te shperblimit te fundvitit per pensionistet, ka bere qe kryetari republikan, Mediu, te reagoje negativisht. Duke shfrytezuar tribunen e Asamblese se PR, kreu i Partise Republikane akuzoi dje qeverine se po tregohej e padrejte me trajtimin e klasave shoqerore ne vend. Sipas Mediut, qeveria e kryesuar nga Berisha ka diskriminuar per sa i perket shperblimit financiar shtresat e ish-pronareve dhe te ish-te perndjekurve politike dhe nga ana tjeter ka favorizuar me shperblime pensionistet. Duke e quajtur anormalitet vendosjen ne dispozicion te pensionisteve vetem per te kaluar festat e fundvitit te nje fondi 6 here me te madh se fondi vjetor i shperblimit per ish-pronaret, Mediu ka kerkuar nje racionalitet ne ndarjen e ketyre fondeve. “Eshte e pakuptueshme fakti qe do te jepen rreth 25-30 milione USD shperblim per pensionistet me rastin e festave te fundvitit, nderkohe qe i lihet nje vlere kompensimit financiar pronareve vetem me 5 milione USD”, deklaroi Mediu gjate asamblese te PR-se. Nga ana tjeter, kreu i republikaneve theksoi se qeveria eshte treguar diskriminuese edhe me shtresen e ish-te perndjekurve politike, duke akorduar nga buxheti nje shume te paperfillshme per shperblimin e tyre. Sipas Mediut, sjella e qeverise ne kete menyre duhet te preokupoje se tepermi keto grupime shoqerore.
“Shteti nuk eshte treguar korrekt ne trajtimin financiar te te perndjekurve politike, ku nje pjese e tyre humben jeten neper burgje dhe internime dhe, per fat te keq, e humben jeten perseri pa pasur mundesi te kthehen te prona e tyre”, deklaroi Mediu, duke i beri thirrje qeverise qe te tregoje me shume kujdes me shtresa te shoqerise qe iu jane mohuar te drejtat. Ne lidhje me ceshtjen e pronave, kreu i PR-se theksoi se ne vend po vazhdohet te abuzohet nepermjet ligjit 7501. Sipas ministrit te Mbrojtjes, ky ligj madje po perdoret per te marre prona ne menyre abuzive shume afer me bregdetin. “Situata me pronen vazhdon te jete kaotike, pasi edhe pse kerkojme ndalimin e ligjit 7501, mbi kete ligj vazhdohet te ekzekutohet akoma dhe me tej dhe te jepen toka afer bregdetit”, theksoi Mediu. Sipas tij, kjo situate kaotike do te beje qe fatura financiare per kompensimin e prones te behet e paperballueshme nga shteti shqiptar. Mediu informoi se jane mbi 100 mije ha toka te vjedhura e te transformuara ne toka industriale ose toka truall nepermjet ligjit 7501.
Pensionistet
Republikani Mediu komentoi me shqetesim vleren e paket financiare qe qeveria ka vendosur te akordoj nga buxheti i shtetit per kompensimin e ish-pronareve, nje vlere kjo 5 milione USD per vitin 2007. Sipas Mediut, kjo vlere eshte e paperfillshme krahasuar me ate qe po shperblehen pensionistet me rastin e festave te fundvitit.
Vjedhja
Republikanet konstatojne se, nepermjet abuzimeve te bera me ligjin 7501, jane mbi 100 mije ha toka te vjedhura e te transformuara ne toka industriale, ose toka truall. Kreu i PR-se, Mediu, theksoi se ligji 7501 krijon nje konflikt te madh social dhe ekonomik mbi te drejten e prones ne Shqiperi dhe ai duhet te korrigjohet teresisht.
Bregdeti
Kryetari i republikaneve, Fatmir Mediu, theksoi dje se abuzimet me ligjin 7501 po vazhdojne, madje nepermjet tij po perfitohen pa te drejte prona afer bregdetit te vendit. Nga ana tjeter, Mediu shprehu shqetesimin edhe per rritjen ne menyre fiktive te cmimit te tokes ne bregdet, duke theksuar se kjo rritje po largon investitoret.