Pensionet false, 3 ish-zyrtare nen akuze

Tirane-Tre inspektore te Drejtorise Rajonale te Sigurimeve Shendetesore, jane derguar ne prokurori me cilesine e te pandehurit, me akuzen e shperdorimit te detyres. Eshte dashur hetimi i specialisteve te Seksionit Kunder Korrupsionit, qe te nxjerre ne drite shkeljet e konstatuara prej tyre. Ndaj Klodiana Baskos 34 vjec, Elisabeta Subashit 55 vjece dhe Liljana Calamanit 61 vjece, ka nisur hetimi ne gjendje te lire, per shperdorim detyre e kryer ne bashkepunim. Burime zyrtare te policise bene te ditur se nga hetimi i veprimtarise se tyre, dyshohet se ato duke qene ish-punonjese te Drejtorise Rajonale te Sigurimeve Shendetesore Tirane, kane firmosur dokumente te falsifikuara pensionesh. Sipas policise, Subashi ne detyren e priteses se dokumenteve, Calamani inspektore perpunuese e pensioneve dhe Basko, kryetare e deges se perfitimit te pensioneve, kane firmosur vendimet per caktimin e pensioneve false. Nga hetimet policia ka mundur te mbledhe edhe provat qe vertetojne akuzen e ngritur ndaj tyre. Ne baze te tyre, dyshohet se ne date 11 gusht 2005, ato kane firmosur dokumentet per perfitimin e pensionit te Fatime Potkes, ndersa me heret ne 28 korrik 2000, kane firmosur vendimin per perfitim te pensionit te Baftije Lokoles. Sipas te dhenave te hetuesve, te dy keto vendime jane dhene mbi bazen e dokumentave te falsifikuara, duke u dhene ketyre shtetasve pensione te paligjshme. Dyshohet se 3 ish-zyrtaret e Sigurimeve Shendetesore, t'i kene leshuar keto vendime ne bashkepunim me njera-tjetren, duke perfituar ne kembim shuma parash. Deri tani jane dokumentuar keto dy raste, mbi te cilat eshte ngritur edhe akuza. Ato do te merren te pandehura, por ne gjendje te lire nga Prokuroria e Tiranes, per te dhene shpjegime ne lidhje me akuzen e ngritur ndaj tyre.

L.Koraqi