Pepa: Rezervat e spitalit vetem per 3 jave

Spitali me i madh i vendit, pas tre javesh mund te jete gati per t'u "mbyllur" ne rast se nuk do te merren masa per blerjen e medikamenteve. Vetem dy dite me pare, drejtori i qendres "Nene Tereza", ka deklaruar se QSUT-ja eshte perballe nje krize te madhe ilacesh. "Sipas analizes qe kemi bere pas tre javesh, ne shumicen me te madhe te sherbimeve nuk do te kemi ilace", tha Mati Pepa. Sipas tij, per kete gjendje jane njoftuar ministri i Shendetesise dhe Kryeministri. Arsyeja kryesore e ketyre mungesave eshte moskryerja e tendereve per pajisje me ilace dhe materiale shendetesore nga ana e Ministrise se Shendetesise. Sipas QSUT-se, jane rreth 11 tendere, te cilat ende nuk jane bere nga Ministria e Shendetesise, mes tyre dhe ai i barnave. Por jo vetem kaq, kriza e ilaceve qe ka pushtuar QSUT-ne, qe ne fillim te vitit, teksa pritej te permiresohej, do te perkeqesohet me tej. Konkretisht, drejtori i qendres spitalore me te madhe te vendit, ka deklaruar se problemet kane ardhur nga menaxhimi i keq i Ministrise se Shendetesise dhe ne te njejten kohe, edhe si pasoje e moskryerjes ne kohe te procedurave te tendereve. Behet fjale per ilace te shtrenjta e te lira, pajisje mjekesore, pajisje per nderhyrjet kirurgjikale.