Përballen për Ambasadorë

Komisioni për Punë të Jashtme pritet të deklarohet të mërkurën për ambasadorët e rinj. Një pjesë e opozitës synon ta kthejë mbrapsht këtë listë. Por, kjo përpjekje përqeshet nga deputetët e koalicionit aktual qeverisës.

Komisioni parlamentar për Punë të Jashtme pritet që të mërkurën të mbyllë kapitullin e vlerësimeve të kandidatëve për ambasadorë dhe njëkohësisht të dorëzojë listën me propozimet e Qeverisë në Presidencë.

Kjo do t’ia hapë rrugën Presidentes Atifete Jahjaga për t’i dekretuar shefat e rinj të misioneve diplomatike të Kosovës.

Këtë e konfirmoi për Express edhe deputeti i Partisë Demokratike të Kosovës, njëherësh anëtar i Komisionit, Shaip Muja.

“Të mërkurën, pritet të mbyllet kapitulli i vlerësimit të kandidatëve nga ana e Komisionit dhe pas kësaj menjëherë do të dërgohen emrat në Presidencë”, tha Muja.

E, përderisa ky i fundit paralajmëron fazën finale të procesit të emërimit të ambasadorëve, kolegët e tij deputetë nga opozita, paralajmërojnë bllokim të këtij procesi.

Deputetja Donika Kada-Bujupi nga Aleanca për Ardhmërinë e Kosovës, tha se shumica e anëtarëve të Komisionit janë shprehur pro kthimit mbrapa të listës me propozimet e Qeverisë.

Tekstin e plote mund ta lexoni ne numrin e sotem te Gazetes Express.