Përgatitje, perfekt

Mbrojtësi i Real Madridit, Sergio Ramos ka lavdëruar përgatitjet për sezonin e ri, duke i quajtur “perfekt”. Gjiganti spanjoll synon të ndërpresë dominimin e Barcelonës në La Liga dhe shenjat e deritashme kanë qenë pozitive për ekipin e Jose Mouirnhos.

Reali ka mposhtur skuadrat si LA Galaxy, Chivas Guadalajara, Philadeplhia Union, Hertha Berlin dhe Leicester City. Ramos është i lumtur me punën e deritashme.

“Përgatitjet kanë qenë perfekt për ne. Jemi duke luajtur mirë dhe përforcimet e reja janë adaptuar pa probleme”, tha Ramos për ueb faqen zyrtare të Realit.