Përjashtimi i Crouchit, vendimtar

Menaxheri i Tottenhamit, Harru Redknapp, e ka komentuar debaklin e pësuar nga skuadra e tij nga Real Madrid. Trajneri anglez mendon se ndëshkimi i Peter Crouch me karton të kuq ishte pika kyçe e ndeshjes.

“E humbëm Lennonin para ndeshjes, kështu që m’u desh të bëja ndryshime pa filluar ndeshja. Ndërsa ndëshkimi me karton të kuq i Crouch na vështirësoi gjithçka. Në pjesën e parë luftuam dhe ishim pothuajse të barabartë, ndërsa në pjesën e dytë e humbëm kokën për shkak të superioritetit të tyre numerik, i cili e vendosi lojën”, ankohet Redknapp.

Reali fitoi 4-0 në ndeshjen e parë çerekfinale të Ligës së Kampionëve. Ndeshja e kthimit zhvillohet javën e ardhshme në Londër, por Spurs kanë pak gjasa të bëjnë kthesë.