Perleshje ne Mitrovice per motive nderetnike

Perleshje mes shqiptareve dhe serbeve ne Mitrovice. Nje pjesetar i Policise se Kombeve te Bashkuara, nje qytetar shqiptar dhe dy te tjere serbe jane lenduar ne nje incident qe ka ndodhur mbreme pas mesnate ne Mitrovice, te cilen autoritetet e rendit e kane cilesuar kete incident me motive nderetnike. Gjendja shendetesore e te gjithe te lenduarve eshte jashte rrezikut per jeten. Sipas policise, incidenti ka ndodhur ne Lagjen e Boshnjakeve, qe gjendet ne pjesen veriore te qytetit, buze lumit Iber. Besim Hoti, zedhenesi i policise se Kosoves per rajonin e Mitrovices, thote se fillimisht nje grup serbesh e kane sulmuar nje te ri shqiptar. "Kjo ka filluar rreth ores 21 :30 ne Lagjen e Boshnjakeve, kur nje viktime e nacionalitetit shqiptar, i cili ka kaluar nga Lagjja e Boshnjakeve ne drejtim te ures kryesore eshte ndalur fillimisht nga gjashte persona te dyshuar te nacionalitetit serb. Te njejtit, pasi qe kane kerkuar nga ai te identifikohet se kush eshte, kane filluar ta sulmojne me shkopinj druri", tha zoti Hoti. Sipas zedhenesit Hoti, me vone, duke marre per baze kete incident, tek ndertesat qe njihen si "Tre rrokaqiejt", rreth ores 1 e 20 minuta, shqiptaret kane gjuajtur me gure dy vetura te serbeve, me c'rast jane lenduar dy serbe. "Disa banore shqiptare besohet se kane sulmuar me gure ne drejtim te dy veturave te banoreve serbe, te cilat kalonin neper ate lagje, duke nxitur keshtu edhe reagimin e banoreve serbe te cilet jane kunderpergjigjur", sqaroi zedhenesi i policise, Hoti.