Permbyset makina e policise, "arratisen" klandestinet

Nje automjet tip "Fuoristrade" i sektorit te policise kufitare te komisariatit te Devollit eshte permbysur ne nje segment te superstrades ne afersi te doganes se Kapshtices dy dite me pare. Si pasoje e ketij aksidenti automobilistik, ka mbetur i plagosur shoferi i policise qe drejtonte mjetin, si dhe jane demtuar lehte kater emigrante klandestine te kthyer nga pala greke. Por emigrantet e deportuar nga pala greke kane "avulluar" vetem disa minuta pas aksidentit. Burime te policise thone se makina e policise kufitare te komisariatit te Devollit eshte permbysur gjate levizjes se saj nga pika e kalimit kufitar te Kapshtices per ne drejtim te qendres GOS, ku edhe trajtohen me intervistime emigrantet klandestine qe sjell pala greke. Automjeti tip "Fuoristrade" i drejtuar nga punonjesi i policise, Elion Alizoti, ka dale nga rruga dhe ka bere disa rrotullime, duke pesuar demtime nga ana e jashtme. Nga ky aksident ka mbetur i plagosur ne krah shoferi i automjetit. Por edhe kater emigrantet klandestine, qe ai transportonte per ne qendren e GOS-it kane pasur demtime te ndryshme trupore. Ne vendngjarje ka shkuar nje grup hetimor i drejtuar nga nje prokuror i gatshem ate dite ne Prokurorine e Korces, por e pa pritura ka qene "arratisja" e kater emigranteve klandestine. Ata jane lene te lire, me ose pa dashje nga ana e policise se Devollit, duke penguar keshtu hetimet per kete aksident automobilistik. Burime te policise thane se pas aksidentit, kater emigrantet klandestine nga rrethe te veriut, kane ikur njeri pas tjetrit nga vendi i ngjarjes dhe ka qene e kote perpjekja per te kontaktuar me ta ne spitalet e qytetit te Bilishtit apo te Korces. Kjo pakujdesi ka bere qe prokurori i ceshtjes te reagoje, duke pretenduar per ndjekje penale te policeve pergjegjes qe duke lejuar largimin e klandestineve kane renduar rrethanat e sqarimit te aksidentit automobilistik.

Gezim Ashimi