Permbytjet, mblidhen nderkombetaret
Tirane- Komiteti Nderministror i Emergjences Civile, diskuton me partneret kryesore te komunitetit te donatoreve, per nevojat dhe mundesite e financimit per perballimin e situates se emergjences civile, qe u shkaktua nga permbytjet natyrore ne qarqet Shkoder dhe Lezhe. Te pranishem kreu i Komisionit Evropian ne Tirane, Helmut LOhan, zv/ambasadorja e OSBE-se, Renate Hermans dhe Manuel Montobio, ambasador i Spanjes ne kryeqytet, vendi qe kryeson presidencen e Bashkimit Evropian, ambasadoret e Italise, Zvicres dhe perfaqesues te OKB-se dhe te Bankes Boterore ne Tirane. Ministrite e linjes do te vleresojne 180 projekte te parashikuara per kete zone, qe me pas do t'i paraqiten Keshillit te Ministrave dhe nderkombetareve, per financim te metejshem.
Qellim ka qene plani afatshkurter per nderhyrjet dhe parapergatitja e nje konference te zgjeruar donatoresh, e cila do te marre ne shqyrtim financime te mundshme. Behet fjale per projekte te vogla lokale, per ndertime argjinaturash, rehabilitim te sistemeve te ujesjelles kanalizimeve apo te sherbimeve te ndryshme publike vendore, projekte te rendesishme per vepra te medha publike, sic eshte drenimi i lumit te Bunes per ta bere te lundrueshem dhe ndertimi i nje "by-passi" te madh qe do te sherbeje si per mbrojtjen e Shkodres nga liqeni, ashtu edhe si infrastrukture rrugore moderne lidhese mes akseve rrugore Shkoder-Hani i Hotit dhe Shkoder-Tirane.
"Ne hapin e pare te kryejme rehabilitimin e demeve dhe riaftesimin e zones se prekur nga permbytja. Por nderkohe ne plan afatmesem dhe afatgjate, qeveria Berisha synon kryerjen e veprave te medha infrastrukturore publike, qe jo vetem do te mbrojne Shkodren nga permbytje si keto qe ndodhen, por do te nxisin nje zhvillim te qendrueshem dhe te shpejte ekonomik te te gjithe qarkut", eshte shprehur ministri i Brendshem dhe i Pushtetit Lokal, Lulzim Basha.
Nderkohe qe drejtuesit e delegacioneve te huaja dhe selive diplomatike vleresuan perballimin me sukses nga qeveria te fazes se pare te emergjences civile. Ambasadoret Lohan, Hermans dhe Montobio deklaruan se "do te mbeshtesin prane institucioneve evropiane financimin e projekteve qe do te paraqiten nga qeveria shqiptare, per rehabilitimin e plote dhe riaftesimin e zones se prekur nga permbytja".
Prezent ne kete takim ishin dhe perfaqesues te Bankes Boterore dhe OKB-se, Nuamah dhe Cosslet, qe shprehen gatishmerine per te mbeshtetur projektet qe do te paraqiten nga qeveria shqiptare per qarkun e Shkodres dhe te Lezhes.
Perfaqesuesit e selive diplomatike te Italise dhe Zvicres garantuan gjithashtu se do te kerkojne mbeshtetjen nga qeverite e tyre per projektet qe do te ndermerren nga qeveria shqiptare ne zonat e prekura. "Ne takim u mbeshtet edhe ideja e nderthurjes dhe mbeshtetjes me financime per zonat e prekura nga permbytja edhe nepermjet projekteve ne vazhdim te donatoreve te huaj",-tha zedhenesi i ministrise, Fatmir Konja.