Përmbytjet në Shkodër, Mediu dhe Ruli vizitë në Mal të Zi

Budva- Mbërritja e stinës së pranverës ka shtuar rrezikun e përmbytjeve në ultësirën e Shkodrës dhe për këtë arsye ministri i Mjedisit, Pyjeve dhe Administrimit të Ujërave, Fatmir Mediu së bashku me Ministri i Bujqësisë, Ushqimit dhe Mbrojtjes së Konsumatorit, Genc Ruli kanë zhvilluar një vizitë zyrtare në Mal të Zi.

Ministrant shqiptarë janë takuar me ministrin e Bujqësisë dhe Zhvillimit Rural në Mal të zi, Tarzan Miloseviç, ku kanë biseduar për parandalimin e përmbytjeve përreth liqenit të Shkodrës duke përmirësuar infrastrukturën ujore.

Gjatë fjalës së tij, ministri Mediu u shpreh se do të forcohet bashkëpunimi për ti dhënë fund një herë e përgjithmonë përmbytjeve në ultësirën e Shkodrës.

Ne do të ecim me të njëjtin ritëm dhe të njëjtin gjykim dhe për të ecur në mënyrë sa më profesionale dhe për të bërë investime që i rezistojnë kohës dhe japin zgjidhje problemit. Ne do të gjykojmë të gjitha marrdhëniet që kemi në fushën e ujrave me njëri tjetrin, për të parë zgjidhjet- deklaroi Mediu.

Ndërsa ministri Ruli tha se Ministria e Buqësisë ka mbështetur dhe do vazhdojë të mbështesë financiarisht të gjitha ndërhyrjet në diga apo në shtratet e lumenjve.

Ministrant kanë marrë pjesë edhe në një prej panaireve më të mëdha të zhvilluara në Budva, ku prezantohen produkte të industrisë ushqimore dhe agropërpunimit.

No related posts.