Pernaska, kandidate per PD Tirane

Demokratet e Tiranes duket se kane vendosur te shtojne dhe nje kandidature tjeter per postin e kryetarit, qe do te pasoje kryetarin aktual te kesaj dege ne kryeqytet, Ministrin e Transporteve, Sokol Olldashi. Do te jete deputetja Lajla Pernaska, ajo qe pritet te garoje ne kete fushate, e cila po behet tejet e veshtire per te gjithe kandidatet per sa i perket rruges se gjate te ngjitjes ne krye te demokrateve te Tiranes. "Ne strukturat e bazes ne kryeqytet, ne disa seksione dhe grupseksione eshte propozuar emri im. Gjithsesi eshte nje rruge e gjate dhe do te shqyrtohen te gjitha instancat partiake, per te percaktuar me pas kandidaturat", ka qene deklarata e deputetes Pernaska, teksa ka pranuar se emri i saj eshte perzgjedhur ne nje pjese te konsiderueshme te organizatave te Partise Demokratike, si kandidate per postin e kryetarit te PD te kesaj dege ne kryeqytet, pas shartimit te fushates se zgjedhjeve brenda PD. Me sa duket kjo do te jete nje risi ne Partine Demokratike te kryeqytetit, pasi eshte e para femer qe tenton ngjitjen ne "podiumin" e drejtimit te kesaj dege, qe eshte me e madhja dhe me e rendesishmja ne Shqiperi. Nderkohe qe pritet qe perballe saj, te jene sekretari i marredhenieve nderkombetare ne PD, ish-ministri i Jashtem Besnik Mustafaj, i cili eshte veteshpallur dy muaj me pare si kandidat per postin e kryetarit te PD ne Tirane. Madje ai ka ngritur dhe infrastrukturen e kandidimit, duke paralajmeruar nje gare serioze nga ana e tij, por qe eshte cilesuar nga ana e drejtuesve te PD nje hapje gare e parakohshme, perderisa nuk eshte percaktuar ende zyrtarisht se kur do te filloje fushata per zgjedhjet brenda PD. Ku gjasat pritet te jene nga fillimi i vitit te ardhshem. Mesohet gjithashtu se person tjeter i lakuar per garen ne kryeqytet per postin e kryetarit te deges se PD-se, eshte dhe kreu aktual i KESH, Gjergji Bojaxhi, i cili nuk e ka mohuar. Pa perjashtuar ketu deputetin Paloka.

Paloka, nje kandidat per PD

Ish-zedhenesi i Partise Demokratike, anetari i kryesise dhe deputeti i kesaj partie, Edi Paloka ka deklaruar zyrtarisht se e pranon kerkesen e seksioneve te PD ne kryeqytet per te kandiduar per postin e kryetarit te deges me te rendesishme ne vend. Duke pare, se Mustafaj e kishte shpallur kandidaturen kohe me pare, pas disa javesh dhe Paloka ka bere te njejten gje, por me argumentin se ai eshte propozim i strukturave partiake te kryeqytetit. Ai ka deklaruar se eshte i gatshem per te marre drejtimin e partise ne Tirane, pasi fushata per zgjedhjet e ardhshme parlamentare, do te jete me e forta ne kryeqytet. Nderkohe qe ai nuk ka nenvleftesuar rivalitetin e forte ne degen e PD Tirane, duke paralajmeruar kandidatura te tjera te forta.