Përse nuk do të votoj?!

Nga Aurora Allushaj

Përse nuk do të votoj!? Unë nuk do të votoj në zgjedhjet e ardhshme, sepse askush nuk më thotë se çfarë do të ndodhë në vitin 2050. Shqipëria është një vend i jetueshëm, në një botë të jetueshme. Bëjmë dëme që do të zgjasin mijëravjeçarë, si nuk ka ndodhur kurrë më parë. E kemi katandisur vendin në disnivel total varfëri-pasuri.
Kjo ndodh nga risia e madhe e teknologjisë. Politikanët, pra, kanë nevojë për të caktuar objektivat që shkojë më tepër se sa një mandat. Pothuajse të gjitha arsyet e përkeqësimit të jetës tonë kanë një arsye të vetme: Ekonomi shumë (ekonomi e pakontrolluar), shumë energji, shumë karburant, shumë materiale, shumë mbeturina, shumë reklama, shumë korrupsion, shumë stres, pak punë

Kundër këtyre teprimeve duhet të veprojmë tani. Rezultati duhet të jetë: Ekonomia pak, pa disnivel të lartë, shumë jetë, stres pak, lumturi më shumë. Shqipëria nuk është një vend shumë industrial por shpesh industria nuk ecën me të njëjtin hap me kushtet e tjera.
Nëse ne përdorin më pak energji dhe materiale, nuk do të jetë e mjaftueshme të punojmë më pak dhe do jetojmë më mirë. Ne do të bëjmë më pak dëme dhe do të shpëtojë miliona orë pune, të cilat ne tani i përdorin për të korrigjuar ndonjë dëm. Ekonomia do ta bëjë jetën më të mirë për popullin, jo vetëm për reklama politike, por realisht të tillë.
Sot ne konsumojmë në mënyrë që të shesin, ne shesim në mënyrë që të prodhojnë, ne prodhojmë në mënyrë që të punojmë. Është e kundërta e se si kanë punuar deri tani të gjitha qytetërimet. Ne shpenzojmë me reklama triliona euro në vit për të bindur njerëzit që të blejnë gjëra që ata nuk kanë nevojë. Politikanët duhet të angazhohen në tre qëllimeve: më pak shpenzime, hedhurina më pak, më pak premtime reklamuese.
Më pak energji! Europianët konsumojnë gjashtë mijë vatë për person çdo vit. Është sikur të mbahet ndezur një llambë 60 vatë ndezur ditë e natë. Më shumë se gjysma e kësaj energjie është tretur, ka shkuar dëm. Prerje e këtyre shpenzimeve mund të reduktojë konsumin pa ulur mirëqenien. Në vendin tonë energjia shfrytëzohet keq dhe vendi bie ne kolaps energjetik herë pas here.

Mbeturina më pak! Shqipëria akoma nuk ka një sistem te strukturuar mirë për mbetjet, ndërkohë që tashmë në vendin tonë do të hyjnë edhe mbetje e vendeve të rajonit. Imagjinoni vetëm për një çast Shqipërinë e 2050-ës.
Për të ndjekur këto objektiva kërkohen dhjetëra iniciativa. Por, programi mund të përmblidhet në dy fjalë: më pak. Më pak energji, materiale të mbetura më pak, më pak premtime boshe, më pak korrupsion, më pak. Në këtë moment unë nuk mendoj se ka një parti politike që mund ta ndryshojë këtë gjendje. Ndërkohë, kemi nevojë edhe për më më shumë, kemi nevojë për më shumë njohuri, më shumë liri të informacionit, më shumë shpresë për të ardhmen. Kemi nevojë për të qenë vendi që shqiptarët kanë dëshiruar gjithmonë. Unë nuk do të jem në 23 qershor, nuk do ti bindem asnjë thirrje politike derisa të shikoj në programet parazgjedhore të plotësohen këto pika. Shihemi në 2050-ën, unë tashmë jam në makinën e kohës.