Personat në nevojë, dy muaj pa paga

 

MAMURRAS- Prej dy muajsh, 755 persona me aftësi të kufizuar në Mamurras nuk mund të tërheqin pagën. Ministria e Financavce nuk ka lëvruar fondin, ndaj kjo kategori personash në nevojë janë të detyruar të presin çdo ditë para bashkisë. Administratorja e ndihmës ekonomike Olimbi Metlliu, u shpreh se “fondi është dhënë deri në Tetor. Ne kemi dërguar shkresa në dikasteret që duhej t’u drejtohemi por për dy muajt e fundit, nuk na kanë dhënë asnjë përgjigje. Çdo ditë hasim në kërkesën e të sëmurëve për tërheqjen e pagave që u takojnë në bazë të ligjit. Kemi kontaktuar edhe me Kryetarin e Bashkisë, por nuk është në kopetencën e këtij institucioni dhënia e këtij fondi”. Mësohet se nga 755 persona me aftësi të kufizuar në Mamurras, 234 janë handikapë, 285 janë invalidë, 74 paraplegjikë dhe 112 të verbër. r.n