Personazhi i vitit, perfundon faza e pare
Dhjete personazhet e votuara ne kete faze qe vazhdojne garen ne ate pasardhese jane: kryebashkiaku Rama, kryeministri Berisha, presidenti i ri amerikan Obama, presidenti Topi, trajneri i kombetares se futbollit Haan, prokurorja e pergjithshme Rama, Veliaj i G 99-es, gazetari irakian qe hodhi kepucen drejt presidentit Bush, Al Zaidi, shkrimtari Kadare dhe kryeministri i Kosoves Hashim Thaci.
Ne dhjeteshen e personazheve me te votuar nga vizitoret e faqes se internetit, kane qene edhe kater emra te punonjesve te Top Channel, te cilet, me qellim per ta bere sondazhin sa me subjektiv, u zevendesuan me kater emra te tjere qe vinin pas dhjeteshes se plotesuar, duke formuar keshtu listen aktuale.
“Ne e ndjeme te arsyeshme qe lista fillestare te permbante dhe 4 emra te Top Channel. Me departamentin e informacioni pam te arsyeshme te mos publikonim keta emra, qe jane Adi Krasta, Arbana Osmani, Agron Llakaj dhe Sokol Balla, t’i veme pas 10 te pareve”, tregon webmasteri i TCH, Igli Gjelishti.
Tashme eshte gati per te filluar faza e dyte. Listes se personave te perzgjedhur nga vizitoret u shtohet lista e 10 propozimeve te TCH: artistin Strati, Blushin ne rolin e shkrimtarit, portierin Beqaj, drejtorin e KESH Gjergj Bojaxhi, aktorin Arbana, aktoren Doboshi, avokatin e popullit Dobjani, italianin Saviano qe denoncoi Kamorren, aktivisten e te drejtave te njeriut ne Beograd Natasha Kandic, e cila gjate luftes ne Kosove shkoi atje dhe denoncoi shkeljen e te drejtave te njeriut dhe terrorin masiv qe u bene serbet shqiptareve. Serbja qe i beri thirrje Beogradit per njohjen e pavaresise se Kosoves dhe qe mori pjese ne ceremonine e saj, ndonese e kercenuar me vdekje nga nacionalistet.
Nje tjeter propozim i TCH eshte nje grup, e jo me nje emer: stafi i Spitalit Ushtarak, per perballimin e situtates tragjike te shkaktuar nga shperthimi ne Gerdec.
“Stafi i Spitalit Ushtarak ka kryer nje pune jo thjesht profesionale, por heroike. Per here te pare stafi i spitalit eshte perballur me nje ngjarje te tille. Kemi te gjithe stafin e Spitalit Ushtarak qe e konsiderojme si heroin e vitit 2008”, deklaron drejtori i informacionit te Top Channel, Sokol Balla.
Tashme ne fazen e dyte vizitoret mund te bejne zgjedhjen e tyre duke votuar njerin nga personazhet, apo grupin e permbajtur ne kete liste. Sondazhi mbyllet me 30 dhjetor dhe rezultatet do te behen publike me 31 dhjetor, ne edicionin informativ te ores 19.30.
AC_FL_RunContent( 'codebase','http://download.macromedia.com/pub/shockwave/cabs/flash/swflash.cab#version=9,0,28,0','width','580','height','99','src','flash/banner','quality','high','pluginspage','http://www.adobe.com/shockwave/download/download.cgi?P1_Prod_Version=ShockwaveFlash','movie','flash/banner' ); //end AC code