Perzgjidhen kandidatet per police

Tirane- Policia e Shtetit ka shpallur dje listen e aplikuesve qe do te kene mundesi per te konkurruar ne Shkollen e Policine per periudhen Shtator-Dhjetor 2010. Plot 1908 kandidate, te cilet kane dorezuar dokumentacionin prane strukturave te personelit te Drejtorive te Policise ne Qarqe, do te konkurrojne. Policia ben me dije se te gjithe kandidatet duhet te paraqiten prane Drejtorive te Policise ne Qarqe, ku kane aplikuar per te terhequr kodin e aplikantit, po ashtu, aplikantet do te njoftohen per diten e zhvillimit te testimit me shkrim. Policia e Shtetit, permes ketij procesi qe eshte ndertuar bazuar ne metodat me te mira perendimore, synon perzgjedhjen e kandidateve sa me cilesore per te sherbyer si punonjes policie. "Eshte objektiv paresor i Policise se Shtetit te perzgjedhe vetem kandidatet e kualifikuar si me te miret, percaktuar nga nje proces i drejte, transparent dhe i plote perzgjedhje, ne menyre qe te permbushe me sukses misionin e saj dhe te siguroje nje sherbim cilesor per qytetaret", njoftoi dje Policia e Shtetit. Nga ana tjeter aplikantet njoftohen se per cfaredolloj paqartesie qe mund te kene me procesin e perzgjedhjes, mund te drejtohen prane Zyrave te Personelit ne Drejtorite e Policise ne Qarqe, ose prane Sektorit te Pranimit ne Drejtorine e Pergjithshme te Policise se Shtetit. Po ashtu, mund t'i parashtrojne pyetjet apo shqetesimet e tyre dhe me e-mail ne adresen shkollaepolicise@mrp.gov.al. Policia sqaron se dje jane mbyllur regjistrimet, ndersa ne rast se ndonje prej aplikanteve qe ka dorezuar dokumentet, nuk e gjen emrin e tij ne liste, duhet qe te kontaktoje me Zyrat e Personelit ne Drejtorite e Policise, ne menyre te tille qe te kryhen verifikimet dhe aplikanti te kete mundesi qe te behet pjese e testimit.
R. Caushaj