Petroviq viziton veriun e Kosovës

Zëvendëskryeministri i Kosovës dhe ministër i Administrimit të Pushtetit Lokal, Sllobodan Petroviq, ka vizituar të enjten Qendrën për Shërbime Civile në veri të Mitrovicës. Ai tha se ka vizituar këtë qendër me qëllimin që qytetarët të kenë shërbime sa më të mira.

“Kjo është hera e parë që kam vizituar veriun, dhe me siguri nuk do të jetë e fundit”, ka thënë Petroviq, duke shtuar se edhe qytetarët e veriut duhet të ndjehen dhe te jetojnë njëjtë sikur qytetarët tjerë në tërë territorin e vendit, transmeton KosovaPress.

Ai nuk ka prezicuar nëse do të donte ndonjë status special për veriun e Kosovës, duke thënë se dëshiron status special për gjithë territorin e Kosovës dhe qytetarët e saj.