Piatti beson për fitore ndaj Barcelonës
Sulmuesi i Valencias, Pablo Piatti beson se skuadra e tij mund të mposhtë Barcelonën në gjysmëfinale të Copa del Rey.
Argjentinasi realizoi dy gola në fitoren 3-0 ndaj Levantes, në duelin e kthimit çerekfinal që siguroi përballjen me skuadrën e Pep Guardiolës, sfidë para së cilës atij nuk i mungon optimizmi.
“Nuk dyshoj se mund të mposhtim Barcelonën. Ekipi është i motivuar dhe mezi presim përballjen me ta. Do të jenë dy ndeshje shumë të vështira, por do të përdorim gjithë armatimin që kemi”, deklaroi Piatti për AS.