Piersilvio Berluskoni: Nuk shikoj ndonjë diferencë të madhe me Juventusin

Piersilvio Berluskoni nuk shihet shpesh në ambientet e Milanit apo edhe në çështjet e kuqezinjve megjithatë si një tifoz milanist dhe djali i presidentit Silvio Berluskoni ka dhënë edhe ai mendimin e preferencat për sezonin e ri.
Dyshja e sulmit
Si një tifoz i mirë i Milanit jam i kënaqur që El Sharaui nuk do të largohet. Pavarësisht moshës së re është një kampion por që i duhet ta demonstrojë edhe më shumë. Vëmendja mediatike mund të ketë ndikuar disi në rendimentin e tij këtë sezon megjithatë për një djalosh të moshës së tij këto janë gjëra që mund të ndodhin. Shpesh djali i presidentit ka treguar se shikon më shumë financat dhe bilancet e klubit që mund të dëmtojnë familjen sesa kampionët në fushë megjithatë edhe ai e ka një pikë të dobët, quhet Mario Balotelli. E adhuroj pasi është një kampion i madh. Teknikisht dhe fizikisht është i mrekullueshëm një nga më të fortit në botë. Jam një fans i tij dhe i justifikoj çdo gjë që bën. Ai prodhon lajm si në fushë me golat e tij ashtu edhe jashtë saj çfarëdo gjëje që bën. Kur e pashë të kthehej nga Brazili në imazhet televizive vura re se hyri në një Ferrari fantastik dhe brenda kishte një aromatizues Arbre Magique është i madh është unik.
Rivaliteti me Juven
Më pas Piersilvio foli edhe për rivalitetin me Juventusin, trajnerin Allegri dhe mundësinë e afrimeve të bashkëpunëtorëve nga jashtë. Me Balotellin dhe El Sharaui në formë nuk shikoj diferencë të madhe në fushë me Juventusin. Sigurisht bardhezinjtë e kanë forcuar shumë skuadrën në këto vite të fundit por Milan duhet të vazhdojë të rritet dhe të përmirësojë rezultatet e këtij sezoni. Mbajtja e Allegrit ishte zgjedhja e duhur. Kam qenë dhe jam gjithnjë për konfirmimin e tij. Me skuadrën që i ndërtuam bëri një punë të mirë dhe besoj se ky ka qenë edhe mendimi i babait tim që në fund e mbajti. Nëse të huajt duan dhe kanë mundësi të investojnë kjo është pozitive për futbollin tone por këtë sport pikësëpari unë e konsideroj romanticizëm dhe pasion. Edhe babai im e shikon në këtë mënyrë ja përse ai nuk ka shitur kurrë aksionet e klubit. Kur dëgjon emrin Milan atij i ndryshon ngjyra i bëhet kuqezi.

Zyrtare, Kasano kalon tek Parma
Antonio Kasano është një lojtar i Parmës. Sot do të bëhet edhe prezantimi zyrtar i tij. Ai do të marrë fanellën me numër 99. Për të zyrtarizuar kalimin tek Parma ka menduar drejtori sportiv i këtij ekipi Pietro Leonardi në mikrofonët e Sky. Jam krenar që mund të them se Kasano tashmë është një lojtar i yni. Nesër (sot) do të bëjmë prezantimin ku do të marrin pjesë shumë njerëz. Kasano do të ketë numrin 99. Tek Interi do të shkojë Belfodil.