Pique lirohet nga spitali

Mbrojtësi i Barcelonës, Gerard Pique është liruar nga spitali, pas përplasjes që e pati me bashkëlojtarin Victor Valdes dhe lojtarin kundërshtar Didier Drogba, gjatë ndeshjes kthyese gjysmëfinale të Ligës së Kampionëve ndaj Chelseas, që u zhvillua të martën mbrëma.

Qendërmbrojtësi spanjoll ra në tokë dhe dukej se i kishte humbur ndjenjat, para se të transportohej në spital, ku e kaloi natën nën vëzhgim.

Mjekët kanë konstatuar se testet mjekësore kanë dhënë përgjigje të kënaqshme dhe se lojtari do të pushojë një javë para se t’i kthehet ekipit.