Pique preferon formacionin 3-4-3

Mbrojtësi i Barcelonës, Gerard Pique ka theksuar se nuk ka problem që trajneri Pep Guardiola është duke luajtur me formacionin 3-4-3 në ndeshjet si vendas.

Gjiganti katalan e ka filluar furishëm sezonin e ri, së paku sa i përket repartit ofensiv, duke realizuar 22 gola në vetëm pesë ndeshje. Por, në disa takime skuadra nuk ka qenë e pakalueshme në mbrojtje.

Megjithatë, Pique beson se formacioni 3-4-3 është opsioni më i mirë për ndeshjet si nikoqir. “Sistemi ka funksionuar shumë mirë sepse neve na pëlqen të sulmojmë dhe ekipet që vijnë në Nou Camp qëndrojnë prapa”, tha Pique për Sport.