Plagoset ne atentat, nipi i kreut te PD-se

Fier- Plagoset ne atentat, nipi dhe njekohesisht shoferi i kryetarit te deges se Partise Demokratike ne Fier. Besnik Murati, 35-vjec, perfundoi ne spital me plage plumbi, kurse policia tha, se mbreme shoqeroi dy te dyshuar per krimin. Atentati ka ndodhur rreth mesnates se marte, prane shkolles 9-vjecare "Naim Frasheri", teksa Murati, kthehej per ne banese. Zedhenesja e policise, Valbona Meco, beri te ditur se u shpallen ne kerkim si te dyshuar Elis Nuhaj, 20 vjec dhe Julian Meci, 23 vjec. Grupi hetimor dyshon se plagosja mund te kete ardhur per shkak te detyres, konflikteve personale apo per motive te dobeta. Sipas skemes se ndertuar nga ekspertet, Besnik Murati, kthehej mbremjen e se martes per ne banese, por i kane zene prite dy persona, qe e kane qelluar me arme automatike rreth ores 23:40, ne momentin qe zbriste nga makina. Autoret jane larguar me shpejtesi nga vendngjarja, kurse i plagosuri edhe pse me hemorragji, ka shkuar vete ne spitalin e Fierit. Mesohet se operacioni, e ka nxjerre nga rreziku per jeten 35-vjecarin Murati, pasi plumbat nuk i kane prekur organet jetesore. Mjeket thane se konstatuan dy plage ne trup, ne pjesen e barkut dhe ne dore, duke i demtuar tre gishta. Policia ka shkuar ne vendin e ngjarjes dhe ne spital, per te hetuar krimin. Dyshohet se autoret kane qene ne kembe, pasi nuk jane gjetur gjurme te tjera. Nje makine mendohet se i ka pritur atentatoret, pak metra me larg. Burime policore thane per "KJ" se kane identifikuar autoret e dyshuar, kurse per pistat u konfirmuan ato te detyres si shofer i xhaxhait te tij, Ferdinand Murati, kryetar i PD-se Fier, konflikteve personale dhe per motive te dobeta.

Xh. Beharaj