Plagosja e Likës, në kërkim një prej autorëve
31/03/2005 Agresori i skeduar nga policia u identifikua nga gjurmët e gishtave të lëna në makinë
Policia e kryeqytetit ka arritur të identifikojë një prej autorëve të plagosjes së ish-deputetit të PD-së, Arben Lika, në fund të janarit të këtij viti. Kanë qenë gjurmët e gishtave të gjetura në autoveturën e braktisur nga autorët, ato që kanë bërë të mundur identifikimin e njërit prej tyre. Kjo, pasi një prej agresorëve të Likës ka rezultuar të ketë qenë i skeduar më parë nga policia. Ndërkaq, Prokuroria ka lëshuar një urdhërarresti ndaj tij dhe policia e ka shpallur në kërkim ndërkombëtar. Gjatë kontrollit të ushtruar në banesën e të dyshuarit për plagosjen e Likës, policia nuk e ka gjetur të strehuar aty. Ndërsa agjentët kanë siguruar informacione operative, se personi në fjalë mund të jetë larguar jashtë shtetit në rrugë ilegale.
Identifikimi
Kanë qenë gjurmët e gishtave të administruara në mjetin e braktisur prej autorëve, që kanë bërë të mundur identifikimin e njërit prej tyre. Lajmi është bërë i ditur dje për gazetën “Metropol” nga burime të policisë kryeqytetase, të cilat sqaruan se personi në fjalë kishte qenë më parë i skeduar dhe gjurmët e tij kanë rezultuar të njëtja me ato të gjetura në mjet. Por, burimet nuk bëjnë të ditur identitetin e të kërkuarit për shkak të sekretit hetimor, pasi ende nuk është bërë e mundur të zbulohen edhe dy bashkëpunëtorët e tij. Nga burimet mësohet se forca policore kanë ushtruar kontroll në banesën e të kërkuarit, por ai nuk gjendej aty. Ndërkaq, agjentët e policisë kanë marrë informacione operative se i kërkuari mund të jetë larguar jashtë shtetit në rrugë ilegale. Për këtë shkak janë lajmëruar të gjitha pikat kufitare të cilave u është vënë në dispozicion edhe fotoja e tij, që ta ndalojnë nëse i dyshuari paraqitet me identitet të rremë, pohojnë burimet.
Hetimi
Nga hetimi i Prokurorisë nuk është konkluduar ende një version zyrtar rreth motiveve të ngjarjes. Kjo, pasi vetë Lika mësohet të ketë pohuar se nuk i ka njohur personat që e sulmuan me thikë. Ndërkaq, nga hetimet e deritanishme dyshohet që shkak i ngjarjes të ketë qenë borxhet, theksojnë burimet e Prokurorisë. Kjo nisur edhe nga vetë fakti se, noterja Mira Marku, nga zyra e së cilës doli Lika para se të plagosej, pohoi përpara hetuesve se ai kishte firmosur 5 kontrata për njohje borxhi. Marku ka sqaruar në prokurori se kontratat varionin nga 5 deri në 20 mijë euro. Burimet e organit të akuzës pohojnë se motivi për shkak të borxheve është pista kryesore që po hetohet, ndonëse Lika e ka mohuar një fakt të tillë.
Lika u plagos pas firmosjes së kontratave për njohje borxhi
Ish-deputeti i Partisë Demokratike, Arben Lika ka qenë duke zbritur shkallët e një noterie, që ndodhet në katin e parë të pallatit përballë minibashkive, në zonën pranë tregut elektrik në Tiranë, kur është sulmuar nga agresorët. Ka qenë fundi i janarit të këtij viti, kur Lika, sipas thënieve të noteres Mira Marku, po dilte pasi kishte firmosur pesë kontrata për njohje borxhi. Nga rindërtimi i skemës së ngjarjes, nga ekspertët kriminalistikë, duket se agresorët e kanë parë të zbresë dhe në momentin që Lika ka dalë në trotuar i kanë zënë rrugën me mjetin tip "Renault-Espace" me targë BS E35028. Sipas thënieve të dëshmitarëve okularë në polici, ata kanë dalë menjëherë dhe e kanë qëlluar me thikë Likën. I plagosuri ka ecur vetë zvarrë për rreth 10 metra, derisa i janë afruar disa kalimtarë të rastit, të cilët e kanë ndihmuar të shkojë për ndihmë mjekësore në spital. Autorët më pas janë larguar me thikë në dorë, duke mundur t'u shmangen postblloqeve të policisë.
Policia e kryeqytetit ka arritur të identifikojë një prej autorëve të plagosjes së ish-deputetit të PD-së, Arben Lika, në fund të janarit të këtij viti. Kanë qenë gjurmët e gishtave të gjetura në autoveturën e braktisur nga autorët, ato që kanë bërë të mundur identifikimin e njërit prej tyre. Kjo, pasi një prej agresorëve të Likës ka rezultuar të ketë qenë i skeduar më parë nga policia. Ndërkaq, Prokuroria ka lëshuar një urdhërarresti ndaj tij dhe policia e ka shpallur në kërkim ndërkombëtar. Gjatë kontrollit të ushtruar në banesën e të dyshuarit për plagosjen e Likës, policia nuk e ka gjetur të strehuar aty. Ndërsa agjentët kanë siguruar informacione operative, se personi në fjalë mund të jetë larguar jashtë shtetit në rrugë ilegale.
Identifikimi
Kanë qenë gjurmët e gishtave të administruara në mjetin e braktisur prej autorëve, që kanë bërë të mundur identifikimin e njërit prej tyre. Lajmi është bërë i ditur dje për gazetën “Metropol” nga burime të policisë kryeqytetase, të cilat sqaruan se personi në fjalë kishte qenë më parë i skeduar dhe gjurmët e tij kanë rezultuar të njëtja me ato të gjetura në mjet. Por, burimet nuk bëjnë të ditur identitetin e të kërkuarit për shkak të sekretit hetimor, pasi ende nuk është bërë e mundur të zbulohen edhe dy bashkëpunëtorët e tij. Nga burimet mësohet se forca policore kanë ushtruar kontroll në banesën e të kërkuarit, por ai nuk gjendej aty. Ndërkaq, agjentët e policisë kanë marrë informacione operative se i kërkuari mund të jetë larguar jashtë shtetit në rrugë ilegale. Për këtë shkak janë lajmëruar të gjitha pikat kufitare të cilave u është vënë në dispozicion edhe fotoja e tij, që ta ndalojnë nëse i dyshuari paraqitet me identitet të rremë, pohojnë burimet.
Hetimi
Nga hetimi i Prokurorisë nuk është konkluduar ende një version zyrtar rreth motiveve të ngjarjes. Kjo, pasi vetë Lika mësohet të ketë pohuar se nuk i ka njohur personat që e sulmuan me thikë. Ndërkaq, nga hetimet e deritanishme dyshohet që shkak i ngjarjes të ketë qenë borxhet, theksojnë burimet e Prokurorisë. Kjo nisur edhe nga vetë fakti se, noterja Mira Marku, nga zyra e së cilës doli Lika para se të plagosej, pohoi përpara hetuesve se ai kishte firmosur 5 kontrata për njohje borxhi. Marku ka sqaruar në prokurori se kontratat varionin nga 5 deri në 20 mijë euro. Burimet e organit të akuzës pohojnë se motivi për shkak të borxheve është pista kryesore që po hetohet, ndonëse Lika e ka mohuar një fakt të tillë.
Lika u plagos pas firmosjes së kontratave për njohje borxhi
Ish-deputeti i Partisë Demokratike, Arben Lika ka qenë duke zbritur shkallët e një noterie, që ndodhet në katin e parë të pallatit përballë minibashkive, në zonën pranë tregut elektrik në Tiranë, kur është sulmuar nga agresorët. Ka qenë fundi i janarit të këtij viti, kur Lika, sipas thënieve të noteres Mira Marku, po dilte pasi kishte firmosur pesë kontrata për njohje borxhi. Nga rindërtimi i skemës së ngjarjes, nga ekspertët kriminalistikë, duket se agresorët e kanë parë të zbresë dhe në momentin që Lika ka dalë në trotuar i kanë zënë rrugën me mjetin tip "Renault-Espace" me targë BS E35028. Sipas thënieve të dëshmitarëve okularë në polici, ata kanë dalë menjëherë dhe e kanë qëlluar me thikë Likën. I plagosuri ka ecur vetë zvarrë për rreth 10 metra, derisa i janë afruar disa kalimtarë të rastit, të cilët e kanë ndihmuar të shkojë për ndihmë mjekësore në spital. Autorët më pas janë larguar me thikë në dorë, duke mundur t'u shmangen postblloqeve të policisë.