Plani i Tiranës, spitale, shkolla dhe gjelbërim

Kështu në bazë të planit urbanistik, do të ngrihen katër spitale të reja, 15 qendra shëndetësore, 17 shkolla si dhe zona gjelbërimi, ide këto që nuk janë kundërshtuar as edhe nga këshilltarët demokratë në këtë këshill.

Gjithashtu, të gjithë këshilltarët kanë përkrahur përmirësimin e kushteve të infrastrukturës, rehabilitimi apo edhe rikonstruksioni i disa zonave të qytetit. Në planin e ri urbanistik është parashikuar se të gjitha projektet që duhet të ndërtohen, duhet të kenë në vëmendje gjelbërimin.

Ndaj, sipas planit është parashikuar që në 10 vitet e ardhshme do të krijohen 175 hektarë gjelbërim. Gjithashtu, plani ka parashikaur që në Tiranë të krijohet mundësia e për 400 mijë banorë të rinj, ndërsa parashikohet që në vitin 2020, kryeqyteti shqiptar të ketë 1 milionë e 40 mijë banorë.