Platini ne Tirane: Bashkepunim me FSHF-ne

Shefi i UEFA-s ka mberritur ne Tirane, duke konfirmuar marredhenien e mire qe ka me Federaten Shqiptare te Futbollit.

Presidenti i UEFA-s, Mishel Platini mberrin ne Tirane per here te pare me kete status ne mbeshtjetje te Federates Shqiptare te Futbollit dhe te projekteve te tyre per te ardhmen.

Kjo vizite, ashtu si e ka permendur dhe vete Platini menjehere pas mberritjes ne aeroportin “Nene Tereza”, eshte protokollare. “Kjo vizite eshte thjesht protokollare ashtu si kam bere me shtetet e tjera. Do takohem me ministrin e Sporteve dhe Presidentin e Republikes. Kete here vij si president. Gjerat ne federaten tuaj jane permiresuar dhe me presidentin Armand Duka po shkojme mire. Kjo eshte arsyeja pse kemi ardhur per t’i pare gjerat nga afer”, theksoi Platini.

Pasditen e sotme axhenda e shefit te UEFA-s do te vazhdoje me inagurimin e fushes se stadiumit te Durresit, “Niko Dovana”, ku nje pjese e financimeve ka qene pikerisht e UEFA-s. Me pas, ne oren 18:00 Platini do te kete nje takim me Presidentin e Republikes, Bamir Topi.

Më shumë nga Sporti