Po zhvillohen zgjedhjet historike në Birmani
Në Birmani po zhvillohen zgjedhjet, të cilat cilësohen të jenë më të lirat në këtë vend për disa vite.
Në votime pritet që liderja e opozitës, Aung San Su Ki, të zgjidhet në parlament për herë të parë.
Zgjedhjet vijnë pas disa muajsh të reformave të qeverisë, së mbështetur nga ushtria.
Zgjedhjet e së dielës do të mbushin ulëset e zbrazëta në legjislativin 664 anëtarësh.
Kjo nuk do të ndryshojë bilancin e pushtetit në vend, që edhe më tej kontrollohet nga zyrtarët ushtarakë në pension.
Por, San Su Ki, që ishte nën arrest shtëpiak në zgjedhjet e vitit 1990 dhe 2010, ka thënë se nuk do t’i vijë keq, po që se nuk zgjidhet në parlament, sepse sipas saj, zgjedhjet kanë zgjuar interesim e popullit për politikën dhe vendin.