"Policet hyne banese me banese per evakuimin ne kohe"

Mbi 250 forca policie dhe dhjetera automjete te drejtorise se policise Fier kane shkuar ne vendin e ngjarjes, ku kane bere te mundur rrethimin e zones prane pusit, sigurimin e rruges dhe evakuimin e banoreve nga zona e rrezikshme e helmimit. Drejtori i policise, Arjan Bozhaj, pohoi per gazeten se kane marre te gjitha masat e sigurise. "Pas ngjarjes evakuuam 100 familje qe banonin fare prane pusit qe shpertheu ne fontane. Forca te tjera u shperndane pergjate gjithe segmentit rrugor Fier-Zharrez, si dhe ne rrugen qe te con per ne spitalin rajonal, qe te mbahej e hapur per rastet emergjente dhe per te bere te mundur levizjen e automjeteve, qe te shpetoheshin jetet e te prekurve nga helmimi i gazit", tha kryepolici per gazeten "Koha Jone". Pusi ka qene shume prane vendburimit te njohur te Marinzes, kurse per te shmangur pasojat tragjike jane mobilizuar edhe forca te Nderhyrjes se Shpejte, FNSH-ve, te pajisur me kundragaze. Ata bene te mundur nxjerrjen e banoreve brenda pak minutave nga fshati, kurse mjetet zjarrfikese kane hyre ne fshat me qellim shuarjen e pusit. "Policet kane shkuar ne cdo banese, ku kane kontrolluar se mos ndodhej ndonje person i helmuar, femije apo pleq", tha Bozhaj. Forcat e FNSH-se jane ndare ne grupe me nga tre persona, duke kontrolluar mese 100 shtepi te fshatit.