"Pusi rrezikon banoret edhe me ndotjen, askush nuk kujdeset"

Kreu i komunes Zharrez, Taulant Gremi, ka pohuar per gazeten se ai kishte mesuar ngjarjen per shperthimin e gazit ne fontane nga banoret qe jetojne fare prane pusit. Lidhur me kete fakt kryekomunari ka pohuar se edhe me pare jane ngritur shqetesime per rrezikun qe shfaq ky pus. "Me dhjetera here e kemi ngritur si shqetesim qe te largohen puset e naftes qe jane ne oborret e banesave, ne fshat, pasi ata gjithmone jane bere viktima dhe jane viktima te gazrave qe leshohen. Jeta e tyre rrezikohet si kur ndodhin shperthime e aksidente ne pus, por edhe nga era e rende qe del nga fontana cdo minute gjate kryerjes se procesit te nxjerrjes se naftes bruto nga nentoka", tha Gremi. Ky shqetesim eshte prezantuar si ne kompanine "Albpetrol", ashtu edhe ne instancat me te larta shteterore. "Por shqetesimi im personal dhe i banoreve qe une perfaqesoj ka rene ne vesh te shurdhet. Duhej qe te ndodhte kjo pragtragjedie qe te merren masa sigurie prej qeverise apo kompanise se naftes", ka perfunduar kryekomunari Gremi. Ai ka qene prezent gjate dites se djeshme deri sa eshte shuar pusi pas kater oresh perpjekje te zjarrfikeseve.