Policia e Kosoves: Ngricat, 70 aksidente ne 1 dite
Prishtine, 15 dhjetor, NOA - Siguria rrugore do te trajtohet gjithmone me seriozitet nga Policia e Kosoves dhe njesitet e saj policore, pasi pakujdesia gjate operimit me mjet ne komunikacionin rrugor merr çdo vit me dhjetera jete njerezish dhe shkakton deme materiale te konsiderueshme.
Nje fakt i tille citohet ne nje deklarate te shperndare prej saj, duke shtuar se aktualisht te gjitha rruget ne tere territorin e Republikes se Kosoves, perfshire edhe vendkalimet kufitare me shtetet fqinje, jane te kalueshme por me veshtiresi per shkak te reshjeve te debores dhe ngricave ne disa segmente rrugore.
Gjate 24 oreve te fundit kane ndodhur gjithsej 53 aksidente, prej te cilave 10 me lendime te lehta dhe te renda trupore.
Ndersa vetem gjate dites se djeshme si rezultat i te reshurave te bores dhe nga pakujdesia e drejtuesve te automjeteve, ne gjithe territorin e Republikes se Kosoves kane ndodhur rreth 70 aksidente, prej tyre 1 me fatalitet, ne rajonin e Pejes.
Policia e Kosoves ben apel tek te gjithe qytetaret qe te respektojne kufijte e shpejtesise se lejuar, e ne raste te ngricave dhe bores kur rruga eshte e rreshqitshme shpejtesia duhet t’i pershtatet kushteve te rruges.
Ështe e obligueshme per mjetet motorike qe qarkullojne ne rruge gjate kesaj sezone te posedojne pajisjet dimerore, ne te kunderten policia do t’i ndeshkoje te gjithe kundervajtesit dhe te gjithe ata qe nuk i posedojne pajisjet dimerore.
n.e/NOA