Policia feston 98-vjetorin me uniforme te dale nga moda

Edhe sivjet ne 98-vjetorin e saj policia do te festoje pa uniformen e re te miratuar qe ne vitin 2009 por te parealizuar per shkak te korrupsionit dhe te anulimit te tendereve. Duket se uniforma e policise eshte bere e njellojte per shkak se i ka dale boja askush nuk eshte merakosur per te. Sot policia do te festoje 98-vjetorin e saj te krijimit por si asnje polici simoter ajo nuk do te kete nje uniforme per imazhin e saj perballe komunitetit. Problemi i uniformes se policise eshte ngritur disa here por zyrtaret kane heshtur. Por sot ne diten kur policia pritet te festoje pervjetorin e saj i duhet te perdore ato pak uniforma te ceremonialit qe kane mbetur qe nga tenderi i fundit i vitit 2004. Gjithashtu do te perdoren edhe disa uniforma etalon qe jane sjelle ne momentin kur ishte dhene tenderi i vitit 2009 i cili nuk u realizua asnjehere dhe pavaresisht se kane kaluar dy vjet nuk eshte miratuar asnje tender tjeter ne lidhje me kete shqetesim. Aktualisht ne jemi i vetmi vend qe nuk kemi uniforme policie ashtu sic e ka miratuar qeveria me vendimin e janarit te vitit 2009. Fondi per uniformen e policise dhe per kepucet e tyre u miratua ne korrik te vitit 2009 por nuk u realizua pasi procedurat e tenderimit te kepuceve uniformes dhe elementeve te planifikuara per blerje perkatesisht ne datat 23 e 29 korrik 2009 me veprime e mosveprime nuk u zhvilluan u anuluan dhe nuk dihet se ku shkuan apo per cfare qellimesh te tjera u perdoren parate. Per vitin 2010 nuk u hap procedure tenderimi per blerje kepuce uniforma dhe elemente perberese te tyre per Drejtorine e Pergjithshme te Policise se Shtetit cka te le te mendosh se shtohet detyrimi per cdo punonjes te policise per ato objekte te normuara te uniformes me afat perdorimi 1 vit. Sot nje polici e tere qe nga Drejtori i Pergjithshem i saj dhe deri te punonjesi i fundit akoma vishet mbathet dhe mbajne uniforma kepuce shenja grada dhe elemente te ndryshme te miratuara qe nga viti 2004 dhe para ketij viti megjithese ato vendime jane shfuqizuar ne vitin 2009 duke mos i njohur me keto uniforma dhe stema por te tjera. Tashme veshja ne Policine e Shtetit eshte fakultative secili vishet sipas menyres se vet. Pavaresisht rregullores per uniformen e policise askush nuk mund ta respektoje pasi nuk ka nje uniforme te sakte policie. Duket se edhe urdhri i drejtorit te pergjithshem per uniformen e policise qe te mos vishet jashte sherbimit nga asnje punonjes duket se ka ardhur per ruajtjen e saj nga vjetersia dhe mos te harxhohen para per te realizuar uniformen e re te policise.