Policia, pengese hetimi per prokurorine

Tirane- Policia e Tiranes nuk eshte duke kryer hetime te imtesishme, kjo gje ka bere qe nje pjese e dosjeve te pushohen nga ana e prokurorise, per mungesen e provave. Kete fakt e ka bere te ditur dje, kreu i Prokurorise se Tiranes, Gent Xholi, gjate analizes nje vjetore te kesaj prokurorie, ku ishte e pranishme edhe vete kryeprokurorja Ina Rama. Gjate analizes moren pjese; drejtori i Policise, Tonin Voci dhe drejtori i Krimit te Organizuar, Nikolin Bala. Kreu i prokurorise, Gent Xholi theksoi se numri i dosjeve te pushuara ose te pezulluara, per shkak te mungeses se provave eshte shume i larte. Nga ana tjeter Xholi vuri ne dukje se, nje tjeter shkak per pezullimin e hetimeve eshte edhe moszbatimi i leter-porosive, pasi ka mangesi te procedurave kur behet fjale per persona qe ndiqen per veprimtari kriminale jashte kufijve te Shqiperise. Gjate ketij vitit per mungese te provave, prokuroria ka pushuar plot 920 ceshtje, ndersa jane lene te lire nje numer i madh personash, te cilet akuzohen per vepra te ndryshme penale, mes tyre te dyshuar per droge, por edhe per vrasje. "Ne rastet kur eshte vendosur pushimi i ceshtjeve penale per persona te kapur me lende narkotike, shkak ka qene se ne ekspertimin e lendes ka rezultuar se nuk behej fjale per droge. Nga ana tjeter ne momentin e caktimit te mases se arrestit, nuk ka pasur asnje dyshim se lenda ka qene narkotike", deklaroi dje Xholi. Gjate analizes nje vjetore, kreu i prokurorise permendi edhe rolin e njesise Task-Force, dosjet me te shumta te se ciles kane te pandehur persona qe kane konsumuar veprat penale te korrupsionit, kontrabandes, si dhe vepra te tjera penale ne fushen e tatimeve. "Per sa i perket veprave penale per te cilat jane regjistruar procedimet, rezulton se vepra me e perhapur eshte ajo korruptive ne detyre. Ndaj 165 procedimeve te perfunduara 137 procedime i perkasin atyre korruptive ne detyre", theksoi Xholi. Gjate vitit 2008, ne Prokurorine e Rrethit Gjyqesor Tirane, jane regjistruar 6.989 kallezime penale, te cilat kane ardhur ne perqindjen me te madhe nga Policia e Shtetit. "Ne krahasim me nje vit me pare jane regjistruar 168 kallezime me shume. Nga shqyrtimi i kallezimeve jane vendosur per shqyrtim 469 raste dhe mos fillimi per 2.061 raste ku aktualisht 259 kallezime jane mbartur per vitin 2009. Ne krahasim me vitin 2007 eshte rritur me 468 numri i atyre rasteve ku eshte vendosur mos fillimi i procedimit penal. Kjo rritje ka ardhur si pasoje e vemendjes me te madhe qe eshte ushtruar, per mos studim dhe verifikim te materialit kallezues", evidentoi kreu i Prokurorise se Tiranes, Gent Xholi.

Redinalda Caushaj