Policia pengon protestat në Algjeri

Të gjitha rrugët që te çojnë drejt qendrës së Algjerit janë bllokuar nga forcat e policisë, me qëllim parandalimin e protestave antiqeveritare.

Bëhet e ditur se rreth 500 protestues u kanë bërë ballë barrikadave, për të depërtuar në sheshin 1 Maji. Ata kanë brohoritur slogane kundër regjimit të presidentit Abdelaziz Butefika, i cili është në pushtet prej vitit 1999.

Një protestë e ngjashme ishte parandaluar edhe javën e kaluar nga mijëra forca të sigurisë.