Pollo e Shehu, s'ka poste tani
TIRANE - Perfaqesuesit e Partise Demokrate te Re te cilet duan te bejne nje karriere politike brenda partise se tyre te re, asaj Demokratike duhet te presin kongresin e PD-se i cili pritet te mbahet ne muajt e pare te vitit 2009. Ne nje prononcim per "Koha Jone", sekretari organizativ i Partise Demokratike, Flamur Noka shpjegon se ne marreveshjen e bashkimit mes PD-se dhe PDR-se nuk percaktohet as nje funksion i larte ne parti per perfaqesuesit e PDR-se. Sipas Nokes, ne "kongresin e ardhshem zgjedhor qe pritet te mbahet ne muajt e pare te vitit tjeter, keta perfaqesues kane te drejte te hyne ne gare me perfaqesues te tjere te PD-se, per te pasur edhe funksione me te larta ne partine me te madhe te mazhorances". Nga ana tjeter sipas sekretarit organizativ te PD-se, detajet e numrave dhe modaliteteve te tjera te ketij bashkimi, do te percaktohen nga nje grup i perbashket i ngritur nga nenkryetari i Partise Demokratike, Astrit Patozi dhe ai i PDR-se, Tritan Shehu. Por sipas Flamur Nokes, pritet qe ne kryesine e Partise Demokratike te bashkohen qe tani kryetari i kesaj partie, Genc Pollo dhe nenkryetari Tritan Shehu. Nga ana tjeter lihet e hapur mundesia edhe per perfshirjen e nje tjeter perfaqesuesi te PDR-se ne kryesine e demokrateve. Duke nisur nga mbledhja e ardhshme e kryesise se PD-se, perfaqesuesit e PDR-se jane te lire te jene pjese e saj, sepse procedurat e bashkimit nuk parashikojne ndonje votim per kete pjesemarrje. E njejta procedure me perfaqesuesit e Partise Demokrate te Re pritet te ndodhi edhe ne Keshillin Kombetare te PD-se, strukture ne te cilen perfaqesuesit e PDR-se pritet te jene 5 deri ne 6 anetare, qe perbejne dhe nje raport normal sipas tij ne perberje te forumeve drejtuese te PD te se kthyerve, deri ne momentin kur strukturat e demokrateve t'i nenshtrohen zgjedhjeve te reja. Dy dite me pare mes kryeministrit Berisha, njekohesisht kryetarit te PD-se dhe kryetarit te PDR-se, Genc Pollo u nenshkrua edhe marreveshja per bashkimin e ketyre partive. Kryeministri Berisha ne fjalen e tij e quajti kete bashkim nje lajm te mire per te gjithe te djathten shqiptare. Ndersa sipas zv.kryeministrit, Genc Pollo, PDR ishte bashkuar me PD-ne pas nje marredhenie te ngrohte tre vjecare, qe keto parti kishin kaluar ne koalicion e djathte qeverises. Ky bashkim i dy partive, eshte cilesuar nga ana e perfaqesuesve te formacioneve politike te shkrira tashme si nje kthim te normalitetit ne PD, duke i dhene fund ndarjes 9-vjecare. Fatjona Mejdini