Pollo, nga ndarja numri dy i qeverise

Zevendeskryeministri aktual, Genc Pollo u shkeput nga Partia Demokratike rreth nente vjet me pare per t'u rikthyer perseri dy dite me pare ne "shtepi". Ne ate kohe, Genc Pollo ishte edhe nenkryetar i PD-se dhe pas mosmarreveshjeve me kryetarin, Sali Berisha preferoi te largohej nga kjo parti, per te themeluar Partine Demokrate te Re. Pas disa vitesh ndarje dhe perplasjesh te forta, shkembimeve te akuzave te ndersjellta, ne zgjedhjet e vitit 2005 PDR e drejtuar nga Pollo, u be edhe pjese e koalicionit te djathte fitues. Pas fitores Pollo mbajti edhe detyren e ministrit te Arsimit per rreth tre vite, ku u vleresua nga kryeministri Berisha per kryerjen e disa reformave. Pak muaj me pare Genc Pollo u emerua nga kryeministri Berisha zevendeskryeminister i qeverise se tij.