Poni: Bashkia, vegël qorre e interesave korruptive

Këshilltari demokrat në këshillin bashkiak të Tiranës, Ferdinand Poni ka reaguar menjëherë pas deklaratave të deputetit të PS-së për truallin në qendër të Tiransë. Në një deklaratë për shtyp Poni ka theksuar se kjo tokë është pronë shtetërore dhe se aty nuk ka pasur asnjëherë leje ndërtimi . Sipas Ponit, policia bashkiake e Tiranës dhe inspektoriati ndërtimor janë vegla qorre të interesave korruptive.
Aksioni për sheshimin e truallit nga ana e Inspektoriatit të Ndërtimit ka nisur tre ditë më parë, ndërsa Bashkia e Tiranës kundërshton vendimin për të ndërhyrë në tjetërsimin e këtij trualli.