"Postribe, ketu nisi rrugen demokracia"

Grupimi "Dhjetori 90", ne bashkepunim me Komunen e Postribes, zhvilloi dje ne kete komune veprimtarine me moton "8 dhjetori nisi ne Postribe". Gjate kesaj veprimtarie, ku moren pjese studente te dhjetorit te vitit 1990, si dhe drejtues te Qarkut e komunes, Grupimi "Dhjetori 90" u nderua me titullin "Nderi i Komunes Postribe". Pjesemarresit ne tubim rikujtuan vlerat qe dha komuna e Postribes ne levizjen antikomuniste, duke theksuar se edhe 8 dhjetori, i vleresuar si Dite kombetare e rinise shqiptare, nisi pikerisht nga Postriba. "Liria dhe demokracia e nisen rrugen ne Postribe", tha ne pershendetjen e tij kryetari i Grupimit "Dhjetori 90". Bislim Ahmetaj, premtoi se kjo veprimtari do te vijoje te jete e pervitshme ne nderim te kesaj date te shenuar per shqiptaret. Vleresim per shpirtin demokrat te komunitetit te komunes shprehen ne pershendetjet e tyre edhe prefekti i Shkodres, Maxhid Cungu dhe deputeti i kesaj zone, njekohesisht kryetar i Partise Demokratike te deges se Shkodres, Astrit Bushati. "Me kryengritjen e pare antikomuniste te Postribes, me 9 shtator 1946, nacionalizmi dhe demokracia shqiptare treguan se nuk kishin leshuar armet dhe i thane 'jo' diktatures, duke sakrifikuar dhe jete njerezish. Tani e gjithe bota e lire krenohet me kete kryengritje te pare ne Evrope", tha ne fjalen e rij kryetari i komunes se Postribes, Faz Shaba. Ne tubim pershendeten dhe disa prej studenteve "dhjetoriste", mes tyre Nesti Kiri, Myslim Murrizi, Edmond Bushati, Ajet Ramcaj, Afrim Krasniqi, Pjerin Spathari, Myftar Gjana, etj.