Pragmatik për Kosovën

Miguel Moratinos, ministër i Jashtëm i Spanjës, që e kryeson Presidencën e radhës të Bashkimit Europian, tha se Serbia mund të luajë rol konstruktiv në Ballkan.

“Ne kemi diskutuar rolin konstruktiv që Serbia mund ta luajë në gjithë Ballkanin Perëndimor dhe natyrisht me shqetësimin kryesor, me fokus kryesor në Bosnjën e Hercegovinën dhe si mund të punojnë ne së bashku me qasje pragmatike për ta zgjidhur situatën me Kosovën, në mënyrë pozitive, pragmatike dhe konstruktive”, tha të martën në Bruksel Moratinos, pas takimit me ministrin e Jashtëm të Serbisë, Vuk Jeremic.