Prandelli: Italia nuk është Barcelona

Trajneri i Italisë, Cesare Prandelli, e ka bërë të qartë se përfaqësuesja e tij nuk tenton të luajë si Barcelona.

54-vjeçari më herët kishte thënë se planifikonte të adaptojë një lojë me më shumë pasime, diçka të ngjashme si Spanja dhe Barcelona, mirëpo tani ai e ka distancuar veten nga ideja për të kopjuar këto filozofi.

“A kam menduar për ndryshime të mundshme në taktikat tona? Po. Mirëpo modeli i Barcelonës është ekzagjeruar shumë dhe krahasimet mes tyre dhe nesh nuk janë bërë asnjëherë nga unë”.

“Disa ndeshje ndihmojnë për të kuptuar limitet tuaja dhe në fund ju mund ta kuptoni se ne nuk jemi si ata (Barca). Ata janë një skuadër që është edukuar për shumë vite, ndërsa ne jemi vetëm në fillim të rrugës”, ka deklaruar Prandelli