Pranga atentatorit te shtylles se tensionit

Pas hetimeve paraprake, pasditen e sotme policia ka mundur te vërë në pranga shtetasin Julian Shota, i akuzuar per vendosjen e eksplozivit tek shtylla e tensionit të lartë në Fushë Krujë.

Lajmin e bëjnë të ditur burime policore lokale, sipas të cilave ndaj të arrestuarit do të ngrihet edhe akuza e kryerjes së aktit terrorist.

Sipas “CEZ” shtylla që u rrëzua është ndër më të rëndësishmet e transmetimit të tensionit të lartë në të gjithë vendin.

Ndaj, si rezulatat i rrëzimit të saj ka patur probleme me furnizmin me energji elektrike në disa rrethe, përfshire edhe kryeqytetin.

Duke nisur nga një natë më parë e deri sot në orët e paradites ka pasur probleme me furnizimin me energji në pjesën jugperëndimore të Tiranës.

Në qytet, situata është normalizuar rreth orës 11, falë ndërhyrjes së menjëhershme të punonjësve të “CEZ”.