Prangoset falsifikatori

TIRANE - Vihet ne pranga nje falsifikator i dokumenteve zyrtare. Policia e Tiranes, ka bere te ditur dje se ka vene ne pranga Kujtim Borovan, 55 vjec, nga kryeqyteti, per disa akuza. Sipas te dhenave, Borova, eshte vene ne pranga ne flagrance nen akuzat e “falsifikimit te dokumenteve shkollore”, “falsifikimit te leternjoftimeve i pasaportave ose vizave”, “falsifikim i vulave, stampave ose formulareve”, “falsifikim i akteve te gjendjes civile” dhe te “prodhimit te mjeteve per falsifikim”. Sipas burimeve te policise, ndaj 55-vjecarit disponoheshin informacione operative se kryente falsifikime te dokumenteve zyrtare. Ne saje te menaxhimit te punes u mundesua kapja ne flagrance e tij me nje deftese pjekurie te falsifikuar, e cila ne brendesi te saj kishte vulen e drejtorise se shkolles se mesme te Kamzes. Gjate kontrollit te ushtruar ne banesen e Borovas, policia ka gjetur dhe i ka sekuestruar si prova materiale dokumente te falsifikuara si, 4 pasaporta shqiptare, ne emer te personave te ndryshem, 1 pasaporte kanadeze, 1 certifikate personale ne emer te nje personi dhe 1 flete garanci e plotesuar per ne ambasaden gjermane. Gjithashtu u bllokuan edhe 5 modele te vulave te Drejtorise Arsimore Tirane, 1 model vule te Ministrise se Arsimit, 1 model vule e Doganes Durres, 1 model vule e Drejtorise se Pergjithshme te Doganes ne leter kalke. Nderkohe, aktet procedurale ne ngarkim te te arrestuarit i kaluan per hetime te metejshme Prokurorise se Tiranes.
Sekuestruar
4 pasaporta Shqiptare
1 pasaporte Kanadeze
1 certifikate personale
1 flete garanci
5 vula te Dr. Arsimore Tirane
1 vule e Ministrise se Arsimit
1 vule e Doganes Durres
1 vule e D. P. te Doganes
1 pajisje per prodhimin e vulave
5 cope fotografi