Prania e socialisteve, PD rikthen nismen per "Gjykaten Administrative"

Maxhoranca do te rifuse ne rendin e punes se Kuvendit, projektligjin per "Gjykaten Administrative", qe prej muajsh te tere dergjet ne Komisionet Parlamentare te Kuvendit, pa mundur te votohet per shkak te mungeses se votave. Nje prej deputeteve demokrate, njekohesisht anetar i Komisionit Parlamentar te Ligjeve, Eduard Halimi, tha dje se nese opozita eshte dakord, maxhoranca do ta perfshije me urgjence kete projektligj ne Kuvend, aq te nevojshem per biznesin. "Eshte e padiskutueshme qe nje projektligj i tille te perfshihet sa me pare. Tashme qe opozita eshte ne Kuvend, kreret e grupeve parlamentare duhet te diskutojne dhe ta perfshijne ne mbledhjet e komisioneve per ta diskutuar dhe votuar. Ne i kemi thene nje po te madhe, te gjitha verejtjeve dhe kritikave te opozites", u shpreh Halimi, me shpresen qe me ne fund opozita do te ulet dhe te votoje nismen ligjore per te cilen kerkohen 84 vota ne Kuvend. Prej kohesh kofindustria dhe bizneset kerkojne dhe bejne apel per miratimin e ketij projektligji te domosdoshem per biznesin. Jane te pakta pikat per te cilat ende nuk kane rene dakord palet ne kete projektligj. Nderkohe qe jane perfshire kritikat dhe verejtjet e bera nga OSBE dhe misioni EURALIUS. Projektligji pritet te futet ne kalendarin e punimeve te tre javeve te Kuvendit.