Preç Zogaj promovon librin e tij "Intuicionet e tranzicionit"

Shtrëngime duarsh, prapaskena politike, ngjarje të njohura dhe të panjohura. Si një pjesëmarrës aktiv në jetën politike të vendit gjatë dy dekadave, por njëkohësisht dhe njeri i letrave, Preç Zogaj e ka ndierë gjithnjë detyrimin për të treguar atë që ka parë dhe dëgjuar. "Intuicionet e tranzicionit", titullohet përmbledhja me esse e shkrimtarit Preç Zogaj të cilën e ka promovuar në ambientet e Universitetit Europian të Tiranës. Përsa i përket rëndësisë së librit të tij si dhe librave të këtij profili vetë autori beson se do të ndihmojnë brezat e ardhshëm .
Në promovim ishin të pranishëm miq, kolegë si dhe kreu i partisë socialiste Edi Rama. Në këtë vëllimin, janë përfshirë 4 libra të autorit "Rënia e zgjedhjeve", "Vera e përjetshme", " Lufta jocivile" dhe "paradhoma e një presidenti". Sipas mikut të tij Xhevair Ngjeqari u shpreh se Zogaj në botimin e tij nuk konstaton politikën por sjell eksperiencën e tij atë nevojë që ka politika dhe ekonomia shqiptare.
"Intuicionet e tranzicionet" është i pari libër i një kolane që "UET Press" ka nisur të botojë.