Prej dy muajsh çmimet e karburanteve në të njëjtat kuota

Çmimet mesatare të karburanteve në Tiranë vazhdojnë prej dy muajsh në të njëjtat kuota: 1 litër naftë 100 lekë, 1 litër benzinë dhe 1 litër Euro Diezel nga 105 lekë, ndërsa në tregjet ndërkombëtare çmimi i një fuçie nafte vazhdon të jetë i ulët. Ulja e fundit e çmimeve të karburanteve me 5 lekë për litër është bërë më 12 janar të këtij viti, sikundër edhe në fundin e vitit të kaluar po me 5 lekë për litër. Ndërkohë, në tregjet ndërkombëtare çmimi i një fuçie nafte vazhdon të jetë në kuota të ulta dhe sot, një fuçi nafte u shit 46,3 dollarë.