Presidence, Topi, pret banoret e Gerdecit

Banoret e demtuar nga tragjedia e 15 marsit ne Gerdec, duket se nuk jane te kenaqur me ate cka eshte bere per te lehtesuar sadopak dhimbjen dhe humbjen e tyre materiale nga ky shperthim. Dje, ne mesdite ne seline e Presidences, nje perfaqesi e te mbijetuarve te kesaj tragjedia jane takuar me kreun e shtetit, Bamir Topi, me te cilin kane diskutuar per gati nje ore mbi ecurine e punes se segmenteve pergjegjese shteterore, si dhe pakenaqesite qe kane dale ne marrjen e demshperblimit te tyre. Burime brenda Presidences bejne me dije se kjo perfaqesi ka bere prezent perpara Presidentit Topi shqetesimin e tyre ne lidhje me lenien jashte liste te nje pjese te atyre banoreve qe kane pesuar demtime materiale ne shtepite dhe bizneset e tyre. Por ne te njejten kohe, per ta perben shqetesim dhe ngadalesia ne ardhjen ne ndihme per ndertimin e banesave dhe disa elemente korruptive qe kane perfshire keto procedura, qe mund te sjelle dhe zgjatjen e procesit te shperndarjes se demshperblimit per pasurite e demtuara. Mesohet se Presidenti Topi, pasi ka shprehur edhe njehere dhimbjen per tragjedine e ndodhur, eshte shprehur se do te kerkoje nga strukturat shteterore pershpejtimin e ritmeve per kete ndihme. Menjehere pas takimit te zhvilluar me perfaqesine e banoreve te Gerdecit, kreu i shtetit, Topi, eshte takuar po ne Presidence me ministrin e ri te Mbrojtjes, Gazmend Oketa, me te cilin ka diskutuar ne lidhje me ecurine e procesit pastrimit te zones nga predhat, nga ndotja. Ne te njejten kohe, mesohet se Oketa ka konfirmuar edhe njehere vendosjen e paqes mes struktures politike dhe asaj ushtarake ne Ministrine e Mbrojtjes. S.P

Topi, feste per NATO-n

Presidenti ka mbledhur ne Pallatin e Brigadave gjithe politiken shqiptare, trupin diplomatik ne festen e fteses se NATO-s. Vetem 9 dite pas vendimit te Samitit te Bukureshtit, mbreme Topi ka vleresuar perfshirjen ne kete strukture politiko-ushtarake, duke garantuar nxitjen e reformave deri ne anetaresimin e plote ne Aleance.