Presidenti, Berisha u jep partive dy jave pushim Eva Gjura
Sa me shume afrohet data e zgjedhjes se presidenti te ri, aq me shume shtohen edhe ethet e gares presidenciale. Gjate kesaj kohe jane vene re takime dhe bashkebisedime mes aktoreve dhe faktoreve politike, te cilet shpresojne qe ne fund te ketij procesi paraprak te arrijne ne nje emerues te perbashket, te cilet shpresojne qe te jete presidenti konsensual. I vetmi qe ka nisur takimet intensive per garen presidenciale me kryetaret partive politike parlamentare per te marre mbeshtetjen e tyre eshte ish-kryetari i PS-se, Fatos Nano. Ish-kryeministri Nano ka zhvilluar takime me z. Rama, z. Meta, z. Dule, z. Idrizi, z. Mediu, nderkohe qe pritet te takoje edhe kryetarin e mazhorances njeheresh dhe kryeminister, z.Berisha. Kryeministri Berisha dite me pare e ka mirepritur takimin me z. Nano, duke u shprehur se kryeministri eshte i hapur te takohet me te gjitha ata qe duan ta takojne, qofte ky edhe z. Nano. Ndersa dje, ne mbledhjen e qeverise, kreu i qeverise eshte shprehur se megjithese kete vit gara elektorale eshte shume e ethshme, ai do te respektoje procedurat kushtetuese per zgjedhjen e presidentit. Duke e kaluar paksa me te qeshur kete situate, kryeministri eshte shprehur se me konkretisht per zgjedhjen e presidentit do te shprehet kur te kthehet nga samiti i NATO-s qe do te mbahet ne mes te ketij muaji ne Cikago. "Une e kuptoj qe ju mendjen e keni tek ethet presidenciale. Kete here ethet jane bere shume te forta dhe kane perfshire edhe gazetaret, kane zbritur edhe ne nivele analistesh, gazetaresh, por une absolutisht vetem i pershendes, sepse nuk ka enderr me te bukur se sa endrra presidenciale ne politike. Por axhenda nuk me lejon te merrem tani. E kam thene se do te merrem pasi te kthehem nga samiti i Cikagos dhe kam shpjeguar se si do te procedohet", - eshte shprehur kryeministri Berisha. Me nje deklarate te tille, kryeministri ka lene te kuptohet se edhe keto dhjete dite, nga ana e tij, nuk do te kete ndonje reagim zyrtare ne lidhje me ceshtjen e presidentit, megjithese pritet qe ai neser te takohet ne zyren e tij me kandidatin e veteshpallur per president, liderin e se majtes Fatos Nano. Se c'te reja do te sjelle ky takim dhe cfare zhvillimesh do te pasohen me pas, kjo mbetet per tu pare, sepse edhe vete Nano dy dite me pare i pyetur per takimin me kryeministrin Berisha eshte shprehur se "po i afrohem takimit me kryeministrin qe padyshim ka nje rendesi per konsultimet e mia. Kryeministri ka nje rol specifik per konsensusin e nevojshem".