Presidenti Obama takohet me udheheqes te Kongresit per shkurtimin e borxhit

Sekretari amerikan i thesarit Timothy Geithner tha se presidenti Obama kerkon marreveshjen me te madhe te mundshme per pakesimin e borxhit por republikanet kane kundershtuar nje pakete 4 trilione dollareshe qe kerkon Shtepia e Bardhe.

Zoti Geithner foli sot ne nje program televiziv disa ore para nje takimi te planifikuar mes presidentit dhe udheheqesve te Kongresit. Presidenti ka punuar me ligjvenes te shquar gjate diteve te fundit per te arritur nje marreveshje qe do te rriste tavanin e borxhit kombetar deri ne afatin e 2 gushtit.

Zoti Geithner i tha programit Meet the Press sot se deshtimi per arritjen e nje marreveshje per te rritur shumen e parave qe qeveria mund te marre hua do te shkaktonte deme katastrofike per ekonomine amerikane.

Kryetari i Dhomes se Perfaqesuesve John Boehner tha dje se ka hequr dore nga perpjekjet per te arritur nje marreveshje gjithperfshirese me Shtepine e Bardhe per te pakesuar deficitin federal me 4 trilione dollare gjate 10 vjeteve te ardhshme.

Zoti Boehner deklaroi se i kishte thene Presidentit Obama se tani kerkon nje marreveshje per pakesimin e deficitit ne masen 2 trilione dollare meqe Shtepia e Bardhe nuk do te kerkoje arritjen e nje marreveshje pa rritur taksat.

Republikanet kane qene te paepur ne  pozicionin e tyre se nuk do te mbeshtesin rritjen e taksave. Zoti Boehner tha se negociatat duhet te perqendrohen ne pakesimin e deficitit sic eshte identifikuar nga nje grup dypartiak i udhehequr nga nenpresidenti Joe Biden.

Me pare zoti Obama tha se demokratet dhe republikanet duhet te dalin nga pozicionet e tyre komode dhe te bejne sakrifica politike per te perballur sfidat fiskale te vendit.