Presidenti Topi dekreton emërimin e 8 gjyqtarëve

Kreu i shtetit Bamir Topi ka dekretuar emërimin e 8 gjyqtarëve të gjykatave Korçë, Durrës, Vlorë, Fier dhe Shkodër.

Në faqen zyrtare të presidentit thuhet se kreu i shtetit ka drekretuar emërimin e Arta Burdës, Engert Pëllumbit dhe Igerta Bengut në Gjykatën e Rrethit Fier ndërsa Florjan Kalaja, Laurent Fuçia janë emëruar gjyqtarë në Gjykatën e rethit Vlorë.
 

Gjithashtu sipas dekretit të kreut të shtetit, Irena Plaku, emërohet gjyqtare në Gjykatën e Rrethit Gjyqësor Korçë, Joana Qeleshi, emërohet gjyqtare në Gjykatën e Rrethit Gjyqësor Durrës dhe Arbër Çela, emërohet gjyqtar në Gjykatën e Rrethit Gjyqësor Shkodër.