Presidenti Topi ngushëllon familjarët e aktorit me famë botërore Bekim Fehmiu.
17 qershor 2010
Presidenti i Republikës, Prof. Dr. Bamir Topi i dërgoi një mesazh ngushëllimi familjarëve të aktorit të madh Bekim Fehmiu për ndarjen nga jeta të njeriut të tyre të dashur, në të cilin thuhet:
“Të nderuar familjarë të të ndjerit Fehmiu,
Në këto çaste të dhimbjes suaj familjare, gjej rastin t’ju shpreh ngushëllimet e mia më të sinqerta për ndarjen nga jeta të njeriut tuaj të dashur, aktorit të madh e të paarritshëm, Bekim Fehmiu!
Në kujtesën e kombit shqiptar Bekim Fehmiu është skalitur me tiparet e një aktori të jashtëzakonshëm, me elegancën dhe virtuozitetin aktorial, si dhe me fisnikërinë e botës së tij të brendshme dhe individualitetin burimor, të cilat e vendosën atë në majat e kinematografisë botërore dhe njëkohësisht të krenarisë sonë kombëtare.
Lajmi për humbjen e këtij njeriu të shquar, i cili me artin e tij përjetësoi në mënyrë unikale heronj e karaktere nga më të spikaturat në kinematografinë botërore hidhëroi miq, kolegë, adhurues të artit të tij skenik, shkaktoi dhimbje e keqardhje për artdashësin shqiptar dhe adhuruesit e kinemasë anë e mbanë botës, po ashtu krijoi një boshllëk shpirtëror tek të gjithë ata, të cilët e njihnin dhe ndanin me Bekim Fehmiun të njëjtat vlera artistike e njerëzore.
Më lejoni që nëpërmjet këtij mesazhi t’ju gjendem pranë shpirtërisht për të ndarë me ju këto momente të vështira! Ngushëllimet më të ndiera!
Përzemërsisht,
Presidenti i Republikës
Bamir Topi”
Presidenti i Republikës, Prof. Dr. Bamir Topi i dërgoi një mesazh ngushëllimi familjarëve të aktorit të madh Bekim Fehmiu për ndarjen nga jeta të njeriut të tyre të dashur, në të cilin thuhet:
“Të nderuar familjarë të të ndjerit Fehmiu,
Në këto çaste të dhimbjes suaj familjare, gjej rastin t’ju shpreh ngushëllimet e mia më të sinqerta për ndarjen nga jeta të njeriut tuaj të dashur, aktorit të madh e të paarritshëm, Bekim Fehmiu!
Në kujtesën e kombit shqiptar Bekim Fehmiu është skalitur me tiparet e një aktori të jashtëzakonshëm, me elegancën dhe virtuozitetin aktorial, si dhe me fisnikërinë e botës së tij të brendshme dhe individualitetin burimor, të cilat e vendosën atë në majat e kinematografisë botërore dhe njëkohësisht të krenarisë sonë kombëtare.
Lajmi për humbjen e këtij njeriu të shquar, i cili me artin e tij përjetësoi në mënyrë unikale heronj e karaktere nga më të spikaturat në kinematografinë botërore hidhëroi miq, kolegë, adhurues të artit të tij skenik, shkaktoi dhimbje e keqardhje për artdashësin shqiptar dhe adhuruesit e kinemasë anë e mbanë botës, po ashtu krijoi një boshllëk shpirtëror tek të gjithë ata, të cilët e njihnin dhe ndanin me Bekim Fehmiun të njëjtat vlera artistike e njerëzore.
Më lejoni që nëpërmjet këtij mesazhi t’ju gjendem pranë shpirtërisht për të ndarë me ju këto momente të vështira! Ngushëllimet më të ndiera!
Përzemërsisht,
Presidenti i Republikës
Bamir Topi”