Presidenti Topi ngushellon familjaret e pianistit Alqi Kareco
Presidenti i Republikës, Prof. Dr. Bamir Topi, nëpërmjet një mesazhi të bërë publik ngushëlloi familjarët e pianistit dhe orkestrantit të talentuar, njëkohësisht edhe themelues i “Teatrit të Varietesë”, Alqi Kareco:
“Të nderuar familjarë të të ndjerit Alqi,
Në këto çaste të dhimbshme e të rënda, dëshiroj t’ju shpreh ngushëllimet e mia më të sinqerta për ndarjen e parakohshme nga jeta të bashkëshortit dhe babait tuaj të dashur, pianistit dhe orkestrantit autodidakt, Alqi Kareco!
“Artisti i Merituar” dhe mjeshtri virtuoz i pianos dhe i orkestrimit ka lënë gjurmë të paharrueshme në muzikën e lehtë shqiptare të gjashtë dekadave të fundit. Me kontributin e tij në themelimin e “Teatrit të Varietesë”, në Festivalet Kombëtare të Radio-Televizionit Shqiptar, me rreth 5000 mijë orkestrimet si dhe me ndikimin e pamohueshëm në përgatitjen dhe përsosjen artistike të dhjetëra e dhjetëra këngëtarëve të talentuar, Alqi do të mbetet përgjithmonë i gdhendur në kujtesën e muzikantëve dhe artdashësve shqiptarë për talentin e përkushtimin e tij të rrallë artistik si dhe për vlerat e tij të rralla njerëzore e qytetare.
Më lejoni që nëpërmjet këtij mesazhi t’ju gjendem pranë shpirtërisht për të ndarë me ju këto momente të vështira! Ngushëllimet më të ndiera!”
“Të nderuar familjarë të të ndjerit Alqi,
Në këto çaste të dhimbshme e të rënda, dëshiroj t’ju shpreh ngushëllimet e mia më të sinqerta për ndarjen e parakohshme nga jeta të bashkëshortit dhe babait tuaj të dashur, pianistit dhe orkestrantit autodidakt, Alqi Kareco!
“Artisti i Merituar” dhe mjeshtri virtuoz i pianos dhe i orkestrimit ka lënë gjurmë të paharrueshme në muzikën e lehtë shqiptare të gjashtë dekadave të fundit. Me kontributin e tij në themelimin e “Teatrit të Varietesë”, në Festivalet Kombëtare të Radio-Televizionit Shqiptar, me rreth 5000 mijë orkestrimet si dhe me ndikimin e pamohueshëm në përgatitjen dhe përsosjen artistike të dhjetëra e dhjetëra këngëtarëve të talentuar, Alqi do të mbetet përgjithmonë i gdhendur në kujtesën e muzikantëve dhe artdashësve shqiptarë për talentin e përkushtimin e tij të rrallë artistik si dhe për vlerat e tij të rralla njerëzore e qytetare.
Më lejoni që nëpërmjet këtij mesazhi t’ju gjendem pranë shpirtërisht për të ndarë me ju këto momente të vështira! Ngushëllimet më të ndiera!”