Presidenti Topi uron Presidenten Jahjaga

Presidenti i Republikës së Shqipërisë, Bamir Topi, sot në mesditë ka zhvilluar një bisedë telefonike me Presidenten e Kosovës, Atifete Jahjaga. Gjatë kësaj bisedë, Presidenti i shtetit shqiptar i ka përcjellë personalisht presidentes Jahjaga dhe nëpërmjet saj, mbarë popullit të Kosovës, urimet më të mira e të përzemërta me rastin e Ditës së Pavarësisë.

Presidenti i Topi i ka shprehur njëkohësisht vlerësimet dhe konsideratat me të larta për rolin e vyer të institucioneve të Kosovës në ruajtjen e integritetit territorial, në konsolidimin e së ardhmes së begatë e të integruar në gjirin e strukturave euro-atlantike si dhe për dhënien fund të pavarësisë së mbikëqyrur.

“Gjithashtu, gjatë bisedës Presidenti Topi dhe Presidentja Jahjaga ndan të njëjtat pikëpamje mbi rolin dhe kontributin e rëndësishëm të faktorit shqiptar për ruajtjen e paqes dhe qëndrueshmërisë në rajon. Me këtë rast Presidenti Topi e ftoi Presidenten Atifete Jahjaga për një vizitë zyrtare në Shqipëri, ftesë që u pranua me kënaqësi nga Presidentja e Kosovës dhe vizita e saj do të realizohet në një kohë sa më të afërt”, thuhet në një komunikatë të zyrës së presidentit të Republikës së Shqipërisë, Bamir Topi.