Presidenti i Asamblesë Parlamentare të KE-së uron Kryetaren e Kuvendit. De Puig: Lidershipi Juaj do të kontribuojë në forcimin e marrëdhënieve mes Shqipërisë dhe Këshillit të Evropës.

  Presidenti i Asamblesë Parlamentare të Këshillit të Evropës, Lluis Maria de Puig i ka dërguar një letër Kryetares së Kuvendit, në të cilën shpreh bindjen se rizgjedhja e zonjës Jozefina Topalli në krye të këtij insitucioni do të kontribuojë në forcimin e marrëdhënieve mes Shqipërisë dhe Këshillit të Evropës.   Në letërën e tij, Presidenti De Puig shkruan:   Do të dëshiroja tju përcillja urimet e mia më të përzemërta, si në emrin tim ashtu edhe ne emër të Asamblesë Parlamentare të Këshillit të Evropës, për ri-zgjedhjen tuaj në postin e Kryetares së Kuvendit të Republikës së Shqipërisë.   Kam bindjen se lidershipi Juaj do të kontribuojë në zhvillimin dhe forcimin e mëtejshëm te marrëdhënieve të shkëlqyera e të qëndrueshme parlamentare ndërmjet Shqipërisë dhe Këshillit të Evropës.   Ju uroj punë të mbarë për përmbushjen me sukses të mandatit Tuaj dhe shpresoj tJu takoj se shpejti.